Pwy ydym ni?

Mae Hafan Cymru yn fudiad elusennol sy’n gweithio ar draws Cymru, sy’n darparu gwasanaethau tai a chynhaliaeth i fenywod, dynion a’u plant, yn enwedig felly’r rhai sy’n dianc rhag Camdriniaeth yn y Cartref. Rydym hefyd yn cyflwyno prosiect llwyddiannus iawn o’r enw ‘Sbectrwm’ sy’n mynd i ysgolion ac yn addysgu pobl ifanc Cymru am gamdriniaeth a’i ganlyniadau.

Ers ei sefydlu yn 1989, mae Hafan Cymru, (yr hen Gymdeithas Tai Hafan) wedi mynd o nerth i nerth, ac erbyn hyn mae ganddi fwy na 140 o staff yn darparu gwasanaethau cynhaliol mewn 17 o’r 22 Awdurdod Lleol yng Nghymru.

 Rydym yn cynnig pecyn cyflawn o wasanaethau cynhaliaeth i helpu pobl a chanddynt anghenion o bob math, sy’n aml yn anghenion cymhleth a sensitif - gan gynnwys pobl sydd wedi dioddef camdriniaeth gorfforol, rywiol neu seicolegol; pobl sy’n gwella eu hiechyd meddwl; cyn-droseddwyr; camddefnyddwyr sylweddau; gadawyr gofal.

Rydym yn annog a galluogi staff a defnyddwyr gwasanaethau i gyfrannu a chymryd rhan trwy ymgynghori rheolaidd, ac mae’r adborth a’r mewnbwn rheolaidd hyn yn cynnal safonau uchel ac mae’n rhan allweddol o’n dulliau arloesol o ddatblygu gwasanaethau.

Nodau ac Amcanion